من هنا وهناك - النسخة الرمضانية


لقطات عشوائية رمضانية من الأسابيع القليلة السابقة من هنا وهناك. أتمنى أن يكون في مشاهدتها متعة (ولو بسيطة) توازي المتعة التي حصلت عليها خلال التقاطها.


 


هناك 12 تعليقًا:

  1. المكتوب مبين من عنوانه = = = = أول صورة: قطايف
    *إهئ إهئ إهئات*

    بصراحة مش كثير صحبة بس أكيد الواحد بشتاق لجمعات العائلة والطوش حول (جوز واللا جبنة) وما شابهها :)

    -المسجد هذا باللويبدة؟
    -الخس مرتب بطريقة مريبة! لمآرب تصويرية أكيد :]]
    - في صورة اللي بين المرأتين اللي بياكلوا كيك (جريمة صغيرة أخرى بالمناسبة!) وصورة ال(زريعة) ودورق المي.. شو هاي؟ (معلش، زرقاوي جاهل أنا بس ما قدرت أعرف شو الطبق بالضبط.. زي قطع شيبس أوتورتيللا مع زيتون؟ هذا (من على مستوى نظري))
    :)

    صحة وهنا على كل


    وزي ما بتقول الصورة الأخيرة

    ردحذف
    الردود
    1. والله كان موسم رمضاني شحيح بالقطايف .. عشان هيك كان لا بد من توثيق قطايف عمتي :)

      - نعم مسجد الشريعة باللويبدة
      - الخس مرتب بطريقة مريبة لأنه كنت عم بنشفه (لاحظ الجرجير والورقيات أعلى الصورة) في واحدة لبنانية كانت تنتقد السلطات بالأردن وبتقول انهم ما بيطلعوا زاكيين لانه احنا ما بنشف الخضار بعد ما نغسلهم .. وبعد التجربة طلع فعلا السلطة ببتطلع منعشة أكثر والخضار مقرمشة بس تتنشف ..
      قصة طويلة عريضة عشان أشتت انتباهك عن مآربي التصويرية فعلاً ^.^

      - الصورة بين المرأتين يلي بياكلوا كيك ودورق المي: ترى ما يغرك .. انه عمانيين كتير أحسن يعني؟ لا والله .. هاد جديد اتعلمنا عليه عدم المؤاخذة .. يا سيدي هاد نسخة بسيطة محورة من "ناتشو" nacho salad بنكهة أردنية حسب الموارد المتاحة (بندورة، خيار، ذرة، فاصولياء حمراء، جبنة تشدر، زيتون مقطع، وشيبس، مع مايونيز وخل وزيت وليمون وخردل) برضه عشان التوثيق خليت أخوي حميد يمسكه قبل الافطار متجاهلة تذمره وشعوره بعدم جدوى الاشي يلي عم بعمله وانا بصور

      على قلبك :)

      وتقبل الله منا ومنكم

      حذف
    2. جد عم بضحك وانا بقرأ. شكرًا للرد الفنّاني، كعهدك

      المسجد جنب شغل أخوي وقبل سنتين (تعرفت) عليه لأول مرة لما كنت بزيارة سريعة للوطن (قوية الوطن. .صح؟) :] فحبيت أتاكد ولما قلت الاسم (الشريعة) تذكرت وتأكدت

      لا تعليق على القطايف بس بحب أسجل في المحضر الرسكي والشعبي كمان إنو للتو دخلت المكتب وقمت بشراء سمسم وعجوة وفستق حلبي وأشياءات أخرى لزوم الكعك وخلافه

      نهار طويل (المغرب على ١٠.١٤) من العجن والخبز في مسكن دار شيشاني لليوم
      وكل عام والجميع بخير. قد يكون هذا آخر يوم من الشهر الفضيل

      ****** *بخط صغير*: مين اللبنانية؟ مخطوبة!

      @فليلة@

      حذف
    3. يعني ريحة بيت الشيشاني خبيز :) هاي أجواء العيد الحقيقية!

      والله النهار جد طويل!! 10 وربع تقريباً .. يا إلهي .. يلا كله بأجره واليوم آخر يوم صيام
      كل عام وانتو بخير :)

      ** بخط صغير : اللبنانية متزوجة واحد أردني و زرقاوي كمان .. شو بدك أحسن من هيك P:

      سعيدة جداً انه ردي ضحك هيثم لأنه تعليقاتك دائماً بتضحكني D:

      سلامي للعائلة

      حذف
    4. وزرقاوي كمان! *شو هالحظظظظظظظظظظظظظظظظظظظظظظظظ* - بصوت سامي من مسلسل مذكرات عائلة السوري

      طب ما عندها صاحبات عزباوات
      طب ما عندها ..

      طب خلص .. زودناها :)

      الله يسلمك يا روان وعيدكم مبارك وربنا يعيد علينا جميعًا شهر رمضان أعواماً عديدة

      حذف
  2. تقبل الله طاعتكم :)
    ممكن الواحد يصفن بالصورة أبو نص ساعة وما يزهق:) يعني منيحة أثناء الصيام

    ردحذف
    الردود
    1. منا ومنكم عطر :)

      بما اني بخاف أقززكم صور على انستجرام بحب اطمنك اني شكلي رح اعتمد هاي الصور التلخيصية المقتطفة من هنا وهناك بشكل اكبر .. والله مرات بستحين انه في كتير صور على تلفوني
      بلكي ساعدتك بصيام شوال :)))

      كل عام وانت بخير وان شاء الله بشوفك قريباً

      حذف
  3. بحب أقرأ تعليقات شيشاني!

    ردحذف
    الردود
    1. أنا اسمي مكتووووووووووووووب؟

      يا صديقي انتا بوجهك عالمدونة واكتب كم سطر وحطهم بالمسودة وارجعلهم بعد الفطور واكتبلنا وعيب على اللي ما يزهقك تعليقات :)


      حذف
  4. صور مُريحة للنظر,ولو كُنا ما نزال في الصيام لكانت مُسبب للجوع.
    تقبل الله طاعتكم.
    كُل عام وأنتِ والعائلة و الأصدقاء بخير يا روان.
    :]

    ردحذف
    الردود
    1. تقبل الله منا ومنكم :) شكرًا براء!
      عيدكم مبارك وَيَا رب ينعاد عليكم بالصحة والسلامة والبركة ^_^

      حذف

Related Posts Plugin for WordPress, Blogger...