هل تقول الأحذية شيئاً؟


لم أكن أتخيل عندما قرأت الاقتباس التالي مصادفة أنه سيعلق في ذهني وسأفكر فيه إلى ذلك الحد. الاقتباس علي لسان جون سوان - متخصصة في تاريخ الأحذية - تقول فيه:

"نحن نرتدي قلوبنا على أقدامنا .. إن الأحذية هي أفضل المؤشرات على ما يمر به الناس من حالات شعورية. الأحذية مزينة بالثقوب وأحياناً بالندوب" 

ألا يحتمل هذا الكلام شيئاً من الصحة؟

عموماً بقيت أحدق في حذائي وأحذية زملائي في العمل والأشخاص الذين أصادفهم طوال الأسبوع الماضي ...!









هناك 8 تعليقات:

  1. نحن نرتدي قلوبنا على أقدامنا .. إن الأحذية هي أفضل المؤشرات

    = I disagree!

    but disregard this comment,
    mid-30 male bloggers views do NOT count
    :P

    but seriously, I can`t see how it would be an indication

    not just shoes, clothes .. just mere appearances do not reflect much -in my book- of our inner selves

    again,

    I`m showing my age obviously
    :D

    ----------

    3ala al hamish

    still at the job
    at 7abka

    ردحذف
    الردود
    1. كل الآراء مرحب بها وتؤخذ بعين الاعتبار أبو هيام :)
      والمظاهر مش مقياس بس على الأقل مؤشر .. من وجهة نظر شخصية .. بس أكيد غير كافية للحكم على الناس

      ولإجابة سؤال الهامش .. أجل .. صامدون ٣ أشهر التجريب في العقد المبدئي على وشك الانتهاء وأتطلع للتجديد :)) وبتعرف شو المفارقة؟ حصلت على طلب نقل للمالية في عمان في نفس المنظمة ومفكرة ما أقبل .. مش متخيلة حالي بعمان!! هاهاها .. أهلي رح ينجلطوا p:
      يمكن ما نضل بالأبد بحبكا .. عم نتوسع وعم بيدور اللوجيستك على مكتب بإزبد المدينة وأنا حزينة
      بفضل إربد وأجواء القرية أكتر هالأيام .. خصوصاً انه في أكشن وفرط زيتون وكذا :)
      ادعيلي .. الله يختار الخير

      حذف
    2. مؤشر ..يمكن! بس حتى هي مش قادر أهضمها any more!

      :)
      -----------

      I`m mixed btwn suggesting a rational choice to go to amman and a more reflective -fun- choice by staying there
      :))

      I liked the
      أكشن
      touch
      :D

      حذف
  2. هاد يعني كلام صاحبتي صحيح
    في بنت عرفتها من الصف الأول تقريباً وبالصف الخامس لهسا بتذكر مره حكتلي إنها كانت تنتبه دايما على أحذية البنات يلي تتعرف عليها وكان هاد شرط لمصادقة البنات (بتعرفي الزغار على نكاشة اسنان بحكي للتاني تصاحبني؟) بس ما كنت متوقعة هالشي .

    عالعموم شغلة الأحذية دايماً بتشغلني في أرق وقلق .. تصدقي شهر 9 كان الإنجاز الوحيد في حياتي إني نزعت المسمار الزغير يلي ضل أكتر من شهرين مدايقني في البالرينا (أجلكم الله) يلي بلبسها جد جد اليوم يلي لبستها برجلي بدون مسمار حسيت بفرحة غامرة من قليل بحكيلك إنجاز .. بس بالمقابل الأرق بنكش عليي لما أشوف رجال كبير ظاهر عليه الفقر ولابس شبشب أو أو أو .. أعتقد وصلتك الفكرة .

    على سيرة الأحذية ما بعرف إزا بتعرفي هاي القصة عن واحدة من كبرى شركات الأحذية في العالم قررت توسع خط البيع وتنتشر في إفريقيا وبعثوا خبراء إثنين لدراسة السوق .. الأول رجع وقال إنو مستحيل ينجح خط الإنتاج لأن الكل هناك حفاة ما بلبسوا أحذية .. أما الثاني رجع يقول إنو الشركة رح تكسب بشكل كبير لأن رح نكون إحنا أول ناس تلبس كلللللللل الأفريقيين الأحذية (بما معنى القصة) .. كعادة حواراتي عندك نسيت الفكرة الأصلية وشردت في مليون سولافه :mal5oom:

    ردحذف
    الردود
    1. :))))))
      بالعكس ..! كتير بحس حلو وقت ما تشاركينا أفكارك ... وموضوع بجرّ موضوع فعادي :)

      بتعرفي انه ايش في برجل الرجال الكبار كتير بلفت اهتمامي كمان :(
      إذا الدنيا برد وهو لابس جاكيت قديم وشحاطة أنا بتدمر! :"(

      هديك اليوم شفت ولد صغير بيساعد بتنظيم سوبر ماركت (عمالة أطفال عينك عينك) بس حرق قلبي لأنه لابس بوط كتير كبير عليه .. مبين إنه لأخو الأكبر .. وضليت أفكر فيه .. لحد الآن .. يا ترى كل اشي بيلبسه معاد تدويره من أخ أكبر ؟! متى آخر مرة اشترى اشي جديد إله وفرح فيه ....؟!

      حذف
    2. شغلة المعاد هاي بتذكر قرأتها في كتاب سيرة حياة جبرا إبراهيم جبرا لفترة حياته الأولى .. كتير ممتع الكتاب وللأسف إنو نسبة كبيرة كم بدايات حياته (1917) تقريباً للأسف لا زال يعايشنا للآن ومنها ما ذكرتي .. من ناحية تانية بفكر فيها إنو برضو إحنا رفعنا المستوى في التفكير في اللبس والأحذية .. خلص حذاء واحد يكفي ويوفي ضروري ملون ومزركش وعلى حسب المشوار وإلخ إلخ .. إحنا وضعنا حالنا في قيود لا قادرين نتقبلها بطبيعتها ولا قادرين نعفي ضحاياها يلي همه بالأصل طبيعيين

      وصلت الفكرة ؟

      حذف
    3. نورنياتي
      entered my mind (our minds?) and put it exactly as I would want it to be on the form of words!

      }let`s kill her,, she is a danger to society, she reads mind and acts upon that knowledge}

      حذف
    4. O_O' طب إزا اجتمعتوا على نية القتل إنكم تساعدوني بهالكم حد؟ :mal5oom:?

      حذف

Related Posts Plugin for WordPress, Blogger...